كم لك بقلبي مقدار

بحاول أوصف احساسي تجاهك وانثر الامطار
بحاول.. بس يا الغالي شعوري صعب تفسيره..!


انا من يومني صغير والقلوب كبار
بلاني ربي بحبك , وعشت بعالم الحيره

أنا من يومني طفل وانا لي بالهوى تذكار
عشقتك من صغر سني , يا زين الوصف والسيره

صحيح اني صغير حيل , ومن حولي بنات صغار
صحيح همومنا لعبه , وكل أحلامنا صغيره

طموح الشاب في عمري , عروسه ولعبة استشوار
وانا كل اهتماماتي , عيونك ياضيا الديره

في مدرستي عجزت أفهم دروسي والبلا أفكار
أفكر فيك يا خلي .. وزاد الشوق تفكيره

أنا ما همني درسي .. ولا هموني الشطار
تجاهلت الفصل كله .. عباراته .. طباشيره

كتبت اسمك على هاك الدفاتر يالغلا تكرار
رسمت قلوب ورديه , سكنها انت , من غيره..؟

الا ياليتني حبيبي اعرف تنظم الاشعار
يمين الله لأكتب لك قصايد تفضح الغيره

كبرت اليوم يا الغالي وزاد بقلبي الاصرار
على حبك , وحب اللي يحبك فاق تعبيره..!

جذبت عيوني الثنتين , الا يا ملفت الانظار
سكنت حدود نبضاتي , بدون اجراء تأشيره

فداك اللي تبي آمر , تمنّى يالغلا واختار
لو انك تطلب عيوني , لأقول ان العمى خيره..!

جميع اللي تبي حاصل , حشى ما أنطق الاعذار
ولو يتعذر قليبي , حشى مااقبل معاذيره

تأشرّ باصبعك للشيء , تلقى مطلبك قد صار
فخور لو أجيبه لك يا سيده القلب يا أميره

تبعثرني هموم البعد , وتبحر بي كما البحار
غزاني موج بُعد الخل , ولا وضح لي تبريره

متى ألقى مراسي اليم , وتلطف فيني الاقدار
الا يا بختي بشوفه , الا ياليتنا جيره..!

انا من لامني بحبك , عساه لقصرة الاعمار
تلوموني على شخص احبه حلاه احلى من الشيره..؟

قالوا لي تحبه..؟ وقلت ان الحروف كثار
أحبه واعشقه واهواه , ولا أرضى بتغييره

شجاع , بس لا شفتك , كياني يا بعدي ينهار
قوي , لكن قبالك , شعوري صعب تظهيره

عيونك يا بعد كلي , تهز الفارس المغوار
شموخك مفخره للعز , يذكرني بأساطيره..!

الى متي تباطيتك , تولّع في حشاي النار
تزوّد جرعة الاحزان , تزيد القلب تخديره..!

واذا يا عيني لاقيتك , يثور بداخلي اعصار
أطير بعالم الفرحه , تقيّدني اساويره

لو انك تدري كم بداخلي حب
كم لك بقلبي مقدار