كان عمار (حابة يكون ذكرى عمار موجود دايما بينا الي بحب يحكي شي عنو يدخل هون)

بتزكر مرة كان عمار عنده احتفال بمدرسه اعتقد انها تحفيظ قران طلب مني باصرار والحاح اني اروح وانا قلتله بحاول ورحت مع مرت عمي وعمي العصر واول ما شافنا كيييييييف وانبسط وقام يكبر ويهلل وفريقه يردد وراه وقديش فرح وبعدها روحنا واشترينا بوزه وكيفنا وروحناوكان يو رائع الله يرحمه برحمته ويجعلنا ننبسط معاه في الجنه امين

انا منال مرة امي كانت مسافره على غزة وكان عمر عمار خمس سنين وطلبت الروضه ولي امره فدهبت انا وتكلمت مع الروضه فقالوا لي ان عمار طفل مشاكس كثير الحركه عصبي المزاج ولكنه شاطر وعدواني وهدا بسبب غياب امه وتركها له

انا وللاسف ما عندي اي ذكريات مع عمار الا لما اجيت قبل سنتين كان هو اكثر اسم يكرر بالعمارة لانه كل ما كان حدا بدو اي اشي ينادي على عمار والله يرحمه ويغفره ما كان برد حدا وخدوم وبحب الكل

اول شي الله يرحمه ويغفرله
انا ما عرفته منيح الا بعد ما تجوزت وطول الفترة الي كنت قاعداها في دار عمي ما عمري طلبت منه اشي الا وكان شبيك لبيك والله انه كان رجل يعتمد عليه الله يرحمه

الله يرحم شهيدنا لما اجى عنا على غزة كان عمره 4 سنين وكان دايمايحب يوقف على شباك غرفة امي وطبعا على التخت ولابس برجله وكنت اجي انزله واسحب الطاقيه عن راسه كان ينجن ويصير صرخ ويعيط وامي تحكيلي اتركيه اقولها بدي اجر نغمه عشان كان يحكي كلمة حيوانة وكانت تطلع منه زي العسل كنت احب اسمعها منه ولما كنت اطلب منه يغني يا سعد كان يدلل ويحكيلي انت ما بتزهقي منها انا زهقت وشو لهلا ما حفظتيها مش راح اغني ونضل طبعا نتحايل عليه ونرشيه لما يغنيها ويقعد ساعه يطلع الكلمه وكان سريع ما يعصب وينرفز وكان لما يعصب من حد طبعا يسمعه الموشح المعروف يا فلان يا ابن عمي ----------- مليان ------ حطيته بالغساله طلع يرقص ويغني هاد طبعا غير الكم الهائل من كلمة حيوان او حيوانة ------------ والله يرحم شهيدنا ويجمعنا معه في مستقر رحمته ااااااااااااااميييييييييييييييييييين [/b][center]

معلش تأخرت بالكتابه بس ان شاء الله بنحاول نكمل
كان عمار : بنتحدث الان عن فترة طفولة عمار وهو كان طفل عصبي كثييير في اشهره الاولى وكان كثير البكاء وبتذكر كان رعد تقريبا عمره 4 سنوات كان يضل يحكيله عمار اعصابك يا عمار طبعا على وزن دعايه سوريه تقول عمار شو هادا يا عمار ما بعرف بتتزكروها ولا لأ وطبعا احنا كنا عاملين عمار لعبتنا بالبيت وبالذات منال ومي وانا معهم لأنه ما كان عنا صغار واجانا هالولد الامور بعد فترة طويله فكان عن جد مالي علينا البيت والحياة وكان بعد اول 3 شهور من ولادته عبارة عن اروع طفل شفته بحياتي كان دائم الضحك واللعب ونضل نكركره ويضحك وبدأ يحكي بعض الكلمات مثل ضو و أااء وإييء يعني علاء وعيد وكنا نعد الساعات عشان نروح ونلعبه ونحمله وكان طبعا دلوع العيله كلها وسيدي ابو محمود كان شايفه ومش مصدق وكان يضل يقول الحمد لله الذي وهبني على الكبر اسماعيل لأنه كان بمثابه ابنه
وللحديث بقيه ان شاء الله
رحمه الله عليك يا عموري يا اخي وابني ويجعل مثواك الجنه ان شاء الله

شو شباب خفت كثير الكتابه بالموضوع؟؟؟؟؟

بحاول اكمل قد ما بتزكر بعد ما كبر عمار شوي وصار يمشي كان بالنسبه الي رفيقي الدائم وكنت كثير اخذه معه على الحارة وعلى النصر والعبه وكانت كل الحارة مبسوطه عليه لأنه ماشاء الله كان الاذكى بين كل اقرانه ولسانه وكلامه سابق سنه بكثير وكان اصدقائي كثير يحبوا يحكوا ويدردشوا معه واخص بالذكر عماد الطويل وعبد الرحيم وردة وخالد اللي عمار سماه الروكو اذا بتتزكروا دعايه شوكلاته روكو اللي كنا احنا نغنيها مع عمار اصحابي تعالوا وهو يرد روكو جيبولي السلم روكو وكان يغنيها بشكل حلو كثييييييير ونحبها منه ولأنه خالد طويل زي اصابع الروكو سمينا خالد الروكو ورغم مرور كل هالسنين ما زلنا نقوله روكو .
وكنت وكل العائله ندلع عمار ونلعبه وهذه الفترة كانت من اجمل مراحل حياته لأنه كان الكل معجب بكلامه الكبير والحلو وبتزكر عملناله عيد ميلاد مميز جدا وكان ايامها حسام البربري عنا وكان جميل جدا العيد ميلاد وصوره حلوة كثير وبتجنن
الله يرحمك يا حبيبي عمار وينقلك من ضيق اللحود الى جنات الخلود امين يا رب العالمين

الله يرحمه ويغفر له ويجعل مثواه الجنه
رمضان يا حبيبي يا عمار ما اله طعم بدونك الله يرحمك كنا نقضي اوقات حلوة انا واياك وعيد وبالذات وقت الافطار وبالسهرة بعد التراويح
انا لله وان اليه راجعون