كان عمار (حابة يكون ذكرى عمار موجود دايما بينا الي بحب يحكي شي عنو يدخل هون)

شكرا للأدارة على تجاوبها السريع مع الموضوع ويسعدني ان ابدأ الكتابه عن اخي وابني العزيز عمار
ونتمنى ان تشاركنا الكتابه عنه منال لأنها هي التي ربته وعاصرته اكثر من جميعا وسأعمل بأذن الله على نقل الصورة الا بأول من منال وباقي العائله قدر المستطاع والله الموفق

من صفات عمار انو كان صريح مع الاخرين لابعد الحدود وكان يحب الاختلاط بالعيله ويسأل عن الكل سواء كانت مشاكل او بدون لامه كان شخص محايد ما بحب المشاكل الله يرحمو ويغفر اليه.وبتمنمى يسامحني لانه طلب مني اعمله طبخه بعد ماييجي من العمر لكن للاسف ما قدرت البيلو طلبه لقلة الفضاوه

ابدأ من البدايه كان يوم 1-6-1991 وكنت جالس ادرس عندي امتحان اخر السنه دين او تاريخ او علوم مش متذكر والساعه 11.30 ليلا قام ابي مسرعا وذهب ليحضر سيارة وحكالنا انا ومنال اللي كانت تدرس لأمتحانات التوجيهي - انا كنت بالصف الثالث اعدادي- انه امي ستذهب للمستشفى لأنا بدها تولد وطبعا قضينا معظم الليل واحنا بأنتظار اي خبر وما كان في خلويات مثل اليوم وبعدين انا نمت وصحيت الصبح ورحت قدمت الامتحان ولما رجعت قالولي انه امي ولدت وجابت ولد سميناه عمار . طبعا اصل الاسم انه خالي سعيد الله يرحمه كان اسمه ابو عمارة وكان ماضي على استشهاد حوالي 3 سنوات وكانت امي حابه تسمي ابنها عمارة وخذ تعليقات منا جميعا على الاسم كنا نحكيلها عمارة كم طابق؟؟ ووشو رأيك نسميه برج احسن؟؟؟
المهم بعد طول مداولات ومناكفات اتفقنا نسميه عمار بدل عمارة وهكذا كان وتم تسميه المولود الجديد عمار
وقبل ان اختم فترة الحمل والولاده يجب ان اذكر ان امي كانت تخبيء عن الجميع موضوع الحمل لفترة طويله وذلك لأنها كانت تخجل كونها كانت كبيرة بالعمر (41 عاما) .
وان شاء الله سنحاول الحديث عن طفولته المبكرة بالردود الاخرى

بداية حلوة يعطيك العافية اتمنى انو ماتنسو شي

موقف لعمار كان بيجيبلي الجنون:
كنت قبل حوالي 3 سنوات بحكي مع بنت الجيران الله يسهل عليها لانها رحلت ال بلد اخر وكان عمار كل ما يشوفني بحكي معها يضل على الشباك وكانت البنت كل ما تشوف عمار اتروح عن الشباك لبين مايفوت عمار بعدين تطلع وبعض الاحيان كان عمار يستقصدني ويضل واقف وما يروح الا لما احكيلو استحي على دمك كان بعض الاحيان يرد علي واحيانا يحكيلي حر انا في داري والي مش عاجبه يفوت هوه.

مره ايام ما كان عمار في مرحله الابتدائي روح من المدرسه قبل موعد الرواح فسألته امه ليش مروح بدري حكالها اجا عنا مايكل جاكسون وحكالنا روحو وبعد اكم يوم نفس الكره سألته امه ليش مروح بدري حكالها مشتاق لاختي مي وبعد مره ككر عمار الموقف وسألته امه شو ليش مروح بدري حكالا جاي على بالي توت

مره كان عمار مش متذكر شو سوه واجى علاء بدو يضربو واحنا عند ستي بالبيت وكان في فطبل مش منفوخ كتير فحمله علاء وبدو يضرب فيه عمار فلما ضربه فيه على راسه حكاله عمار ولك الفطبل فيه زمبركات

حمادة هاي القصص لما كان يروح بدري ما كان بالمدرسه كانت العطله الصيفيه وكان يداوم بمركز نهر الاردن تعليم وتحفيظ وهو مش حابب هالشغله ولما روح حكى لأمي حسِبت انك بدك اياني

في يوم ميلاد عمار صحوت من النوم فلم اجد امي فسالت منال فقالت راحت تولد وانا كنت صغير وقتها كنت 11 سنة وضلانا على اعصابنا للعصر بعدها اجا الخبر انو ولدت ولد فرحت جبت كرتونة وكتبة عليها العبارة التالية نورت الدار يا عمار وعلقتها على الباب الخشب ولما اجت امي صرت اصرخ واحكي نورت الدار فطلع سيدي وصار يصرخ علي [center]وللموضوع بقية

مرة كان في احتفال بعيد الجيش وكان في استعراض طيارات وكان عمر عمارسنتين طلعنا على السطح نحضر الاستعراض وكانت عنا ستي ام فتحي كانت تغنيتو شعبنا يهني البطل وهو يرد هلا هلا وصرنا كل شوي تغنيلو هاشمي هاشمي يرد عليها أسي أسي أسي أسي مي الجمل

كاني بعرف بنت الجيران يا حماده

كان الله يرحمه وهو صغير كل ما شاف شرطي يضرب سلام وكان بدو ي
.سلم عليه حتة وا قفنالو سيارت شرطة






توقيع منال

انا منال وتزكرت انه عندما كان عمرعمار سنتين وراح على غزه مع امي وولما رجع كان طول الوقت يقول بلغته السطة الفلسطينا اسكي ولحد ما كبر واحنا نساله شو يعني وما يرد ولحد ما يكبروما بنعرف

انا رامي ابن مي بتزكر خالي عمار لما كان يصرخ علينا كنا نتحمله نسمع كلامو ونروح على الوضة






مع تحيات رامي

كان سيدي الله يطول عمره ينادي وهو صغير دحبور مي

انا رامي كان خالو الله يرحمو كان يحب شرطة الفلسطنية






مع تحيات رامي

احب ان انوه ان عمار رحمه الله ولد يوم الاحد وتوفي يوم الاحد

انا غاده الاخت الكبرى لعمار فانا اكبره بعشرين عاما وللاسف كنت متزوجه وعندي اولاد حتى انه كان يضرب اولادي فكان احمد لا يحب ان اتي كثيرا ولهدا للاسف لا اعرف كثيرا عن طفولته ولكن ولله الحمد اني عوضت دلك عند مرضه فلم افارقه ولا يوم ولحتى وفاته رحمه الله

(الحجر الأحمر ) بعد ان اشتغل علاء في العقبة واستقر بها صرنا نزهب لزيارته بين الحين والاخر ونزهب للبحر للسباحة واخزت اعلمه اتلعوم الى ان اتقنه نوعا ما وفي يوم من الايام ونحن في البحر نعوم انا وعلاء وعمار لاحظت ان عمار معه حجر احمر اللون وحوله اطفال صغار وكان الماء عميقا بالنسبة اليهم وبالنسبة لعمار غير عميق وهو يرمي الحجر ويغطس ليحضره وهم ملتفون حوله وينظرون اليه باعجاب فضحكت عليه وقلت له ايش ابتستعرض عليهم فضحك وقال خلينا نستعرض عليهم ولا يزال الحجر موجودا عندي في البيت ابو علاء

(رحلة الى ماعين ) زات يوموكان عيد الفصح المجيد زهبنا رحلة انا وزملاء العمل خالد وحسن الى حمامات ماععين وكان عمار معنا وكان صغير السن حيث امضينا ليلة ونهارا رائعين تحت الشلال الساخن وبرك الماء الحلوة وكنت ارميه في برك الصغار حيث يقفز الى الماء مسرورا ويتشاطر على الاولاد وبعد الظهر ركبنا السيارة عائدين لعمان وعند منطقة الجمرك وقفنا لنتناول الغداء عبارة عن كباب ولحم مشوي واز بعمار ياخز اللحم بالشوكة ويغمسه باللبن وياكل فضحكنا عليه كثيرا وبقي الزملاء مدة طويلة يسألوني بدوش عمار يروح يغمس اللحم باللبن (رحمه الله رحمة واسعة وأدخله جنات الفردوس مع النبيين والصديقين والشهدهء وحسن أولائك رفيقا)

ابو ريماس لغتك العربيه بتجنن لو سمحت اتب بالعاميه
واز واز واز

اود ان اشير الى نقطة هامة جدا في حياة عمار الا وهي ان عمار رحمه الله كان يعاني من وحدة شديدة في حياته وانه داءما كان يقول لنا انكم عشتم طفولتكم وحياتكم معا تلعبون وتدرسون معا اما انا فقد كنت وحيدا بسبب زواجنا وهو كان يصغرنا كثيرا فقد كانت امي لم تحمل مند احدى عشر عاما ولهدا كان وبسبب خروج الجميع وخاصة ايام الحادث وتواجد امي ورعايتها ادامها الله لي كان يبقى وحيدا الى العام الماضي الدي كان يعاني من بداية مرضه فبدانا جميعنا بالاهتمام له والاحساس به وبقينا نعوضه عن فقدانه لحنانا جميعنا الى ان وافته المنية ونحن والحمد لله بجانبه ولا يمكن ان ننسى اخ لنا ولد بيننا فجاة وغادرنا فجاة رحمه الله واسكنه فسيح جنانه وانا بالدات اعيش معه واحس به الى الان اختك التي لا تنسى حياتك منال